لماذا هجر الاعضاء المنتدى؟؟؟؟؟؟؟؟

احمد صديق كتب:سلامات ياجقود اخبارك؟؟ انا والله هسة في السوق مستعجل لكن برجع ليك فيما بعد لغاية الوطت داك كم سِؤال كدا ابو السريع.....
1/ المشاركات البتخدم التكلة شنو وبحددا منو؟؟؟؟انت!!!!
2/ادا كان اهتمامك بالرياضة والتمثيل عايز تفرضم على الناس؟؟مالا السياسة؟؟؟
3/يعني شنو شخصنة؟؟؟انت متاكد عارف معناها؟؟؟
4/ مؤمن بالديمقراطية!!!!!!! يا اخوي ورينا فهمك ليها....منكم نستفيد
5/انت كيف ختيت نفسك فوق الناس وتقيم مشاركاتم كمان!!!!المناسبة شنو يا علمون زمانك....هههههه
6/ ياجقود انت قبل ما تكتب كلامك دا وعن الجدل والرياضة راجعت مشاركاتك الفاتت وشفت انت قاعد تفيد القرية بشنو بهتركم دا؟؟؟ ولا راسك قاليك شنو بالضبط كدااا
راجع ليك بس هسة مشغول حرررررررررررررررم احيرتني حد الادهاش

عماد دراما كتب:
كتب الاخ محمد صالح مقال عن الشهيد مهدى عبد الرحمن وفجاء دخل احد الاخوة بمداخلة ليست لها علاقة بالموضوع بتاتا واصبح يشكك فى استشاهد الاخ مهدى وحور الموضوع الى موضوع سياسى بحت ولم تتدخل ادارة المنتدى لحزف هذه المداخلة توقف الكثيرين عن كتابة المقالات حتى لايحدث ما حدث لا اخونا محمد صالح جزاء الله خيراء كتب مقال اجمل ما يكون ..
ارجو ان تقراء ادارة المنتدى المقال الزى كتبة الاخ احمد صديق عن المسجد العتيق وتوجد لنا المبررات عن وجود هذا المقال على صفاحات هذا المنتدى ولنا عودة مرة اخرى ........

احمد صديق كتب:السلام عليكم...الاخ العزيز عماد ليك التحية انت تعلم مابيننا من صداقة ودايرك تعرف انو الحوار والنقد مابزعل بالعكس انا اعتبرك اخ والمؤمن مرآة اخيه وماكتبته خلاني اقف واراجع نفسي يعنييي تشكر...اما اسئلتي الفوق فهي ماتقليل من علمك اودراستك لاسمح الله لكن كلامك كان متناقض يعني دغيت لمحامة الشخصنة وجيت شخصنت المواضيع وقلت الاخ الكتب عن الشهيد وتاني ذكرتني ضمنا( تجد عضو يكتب موضوع ومعظم المقال سمعت وقالو لى وقلت لهم ويقولون لى واقول لهم ...) وبعد داك ذكرتني عدييييل كدا زي زيد بن حارثة).....انا شخصيا ماعندي مشكلة في انك يشخصني...........
وجيت ذكرت الديمقراطية وجيت قلت ماتتكلمو في السياسة والكورة وطالبت محذف مشاركتي بصوره غريبة(ارجو ان تقراء ادارة المنتدى المقال الزى كتبة الاخ احمد صديق عن المسجد العتيق وتوجد لنا المبررات عن وجود هذا المقال على صفاحات هذا المنتدى)!!!!!!!!!يعني انت داير تحدد لينا المواضيع البتسمح لينا الكلام فيها!!! وكمان تحدد نكتب فيها شنو!!؟؟
يا جقود لو في ذول قال كلام ما بعجبك او اختلف معاك في الراي من جقك تناقشو وتخالفو في الراي لكن سياسة االقمع واقصاء الاخر المؤحرنا من زمن كوش دي ارحمونا منها.........نحنا جينا المنتدى دا عشان نتناقش مع الكل بكل شفافية وفي كل القضايا وزي ماقال ليك الاخ محمد عوض ممكن تشارك في الموضوع او تشوف موضوع تاني مافي زوول جابرك يااخوي...
هسة في ناس صوفية وفي جبهجية وسلفية وفي شيوعيين في حلتك دي وكل واحد رايو في وادي لو دايرين يطرحو فكرهم بتقصي المخالفك فيهم...؟؟
الهاجر المنتدى عشان ماقادر يقبل اراء الاخرين ودايرو يبقى كلو مجاملات وكبير كيمان في منتديات تانية حلوة معاو زي (صبايا وحلوين ومعجبين تامر حسني..و....و...) البتلقى فيها العبارات على شاكلة(عسوووول البوست ويسلمووووووو وروووعة و.....)
ولا طالب الادارة يغيرو اسم المنتدى لاسم تاني اولاد الحلة مثلا ويكون شروط العضوية الاتفاق الفكري والرياضي والثقافي والطائفي....
اخي عماد اختلاف الرأي لايفسد للود قضية ولولا اختلاف الاذواق لبارت السلع ولع مايمز التكلة تنوعها الكبير في كل النواحي ...
اتمنى ان يعيننا الله جميعا على تقديم مافيه الخير للحلة وللسودان جميعاولك كل الاحترام والود فانت ممن يرفع اسم التكلة في الحافل الداخلية والخارجية ولنا الفخر بك والاعزاز

Abdelwahid Salih كتب:عارفين الموضوع بتاعكم ده شوهد كم مره
136 مره في فتره وجيزه جدا
واصبح ينافس المواضيع الاخري : مثلا
: مسابقه صاحب الصوره ردود 115 شوهد 1104
: ضيف الاسبوع ردود 60 شوهد 793
:"نادي النيل يناديكم" ردود 37 شوهد 764
:"المركز الصحي وفرصه" ردود 20 شوهد 240
:لماذا هجر الاعضاءالمنتدي ردود 9 شوهد 136
:متين نرجع التكله ردود 12 شوهد 128
:الزول البرىء التائه ردود 9 شوهد 112
:الكليه والرابطه ردود 2 شوهد 48

تقريبا دي المواضيع الاكثر مشاهده من الارقام دي بنعرف مثلا ليه الناس هجرت المنتدي.
سوال : هل خدمات القريه المهمه هي فقط النادي والمركز
ماهي الخدمات المقدمه من اللجنه الشعبيه هل تمت مناقشتها
وطرق تكونها - اذا فعلا الناس دايره رفعه القريه يعني -
مواضيع المدارس - المواضيع التربويه -
ولا بالمواضيع الثقافيه والسياسيه ونقاشات هلال مريخ و مريخ هلال
يعني مثلا الموضوع بتاعكم كان الاكثر 136 مع العلم ان الردود محصوره في 9 ردود فقطوتقريبا من 4 اعضاء او 5
انا ودكتور نت وعماد وعوض - شغالين ردحي هلال ومريخ
البقيه شغالين مواضيع ثقافيه واجتماعيه وتوعيه دينيه
يعني بصراحه ما هي الفائده التي تعود علي مستوي الخدمات داخل القريه - تاثير مباشر - ؟؟؟؟؟
اذا افترضنا انو المنتدي بتاعنا ده هو السلطه الرابعه في القريه ( زي الصحافه يعني ) ماهو مدي تاثيرها علي قريتنا
الناس اتكلمت في مواضيع قيمه زي توحيد مقر الصلاه ( صلاه العيد )
محمد صالح لك الشكر . علي الاقل قربو شويه لي بعض بقي صوت الائمه مسموع شديد من هنا وهناك .
المدارس - الصحه ( نشكر شبابنا لجهدهم تزيين المركز الصحي ) اها وبعد داك.
النظافه العامه في القريه
وكمان النقاشات السياسيه - وليه استضفتو فلان والاستضافه مسيسه ومتاخره - وغيرو وغير
كل الحاجات البتحصل دي والناس ما تهجر المنتدي
رايكم شنو يكون في عضو منتدب من ناس المنتدي في اللجنه الشعبيه للقريه عشان ينقل المداولات ويكون دافع للناس انها تنفق المال من الخارج والداخل وتكون في مشاركات قويه تؤثر ايجابيا علي مستوي خدمات القريه عشان القاعد في القريه برضو هم اهلنا - اخواتنا - اخوانا - اطفالنا -
عذرا لكم جميعا لاكن بالجد مافي اي حاجه شخصيه لاي واحد من المشاركين ونتمني ان يكون المنتدي لتجميعنا وتوحيد القريه وترقيه الخدمات بها . كهدف اول : اعملو دستور للمنتدي :
ودمتم لخير التكله ورفعتها

مهند عماد كتب:كتب عماد ولم يوفق فى الطرح اختار العنوان لكنه أهمل المضمون ولخص مايؤرقه فى نقاط إذا ابتعد الجميع عنها أغلقت هذه النافذة وحكم بالاعدام عليها من خلال حروفه التى صاغها.
هذه النافذة لتبادل الاراء كل منا يدلى برأيه وتبدأ الحوارات والمناقشات وفى النهاية لايصح إلا الصحيح أما عن الميول السياسية والرياضية حق مكفول للجميع وهنا تكمن حرية الأختيار ومنه ينسلخ الرأى والرأى الاخر وعلينا إحترامهما وشخصنة المواضيع على ما اعتقد ان ليس هناك عداوة بين الاعضاء حتى نحكم على المشاركات بأنها تصفية حساب .
وعلى حسب ماكتبت أنك كنت كادر تحت رعاية جامعة الدول العربية ماشاء الله اللهم لا حسد وتقلدت عدد من المناصب السياسية فى الحزب الذى تنتمى إليه أى ان حرية الرأى لا يجب أن تعترض عليهاوهنا تكمن المناقضات .
والتحية الى نيازى وهو يدير الدفة كما ينبغى