قضية دعم الموتمر الوطني

شكرا الاخ محمد عوض دندش على حديثك الطيب

وانا ايضا كنت انتظر من اطلق الخبر لكي ياتي ويوضح من الذين رفضو وكيف ولماذا ولكنه حتى الان لم يظهر ولاننا كلنا متفقون على اننا لن نرفض اي دعم ياتينا من اي جهة كانت واساسا ابناء التكلة ينتظرون مثل هذا الدعم لانهم لم يتلقوه منذ امد بعيد وكلنا نرى باعيننا ان كل الصروح الموجودة في قريتنا لم تساهم فيه اي من الحكومات التي مرت على السودان فهناك المركز الصحي بناه احد ابناء التكلة وهو المرحوم احمد صديق فرح ومن ثم مدرسة اسماعيل يوسف ابشر ومن ثم مدرستي البنات والاولاد الابتدائية بناهم ابناء التكلة بمجهودهم الذاتي وكذلك النادي الذي اهمل لوقت طويل والان يعود ابناءه للبناء من جديد بجهد ومال بنيه وايضا ولا انسى المساجد والخلاوى والزوايا بنيت بمجهود ابناء التكلة الاوفياء فاين دعم الحكومات وحتى الاحزاب المتعاقبة في هذا الشان ولذلك نحن في انتظار مثل هذا الدعم وننتظره بفارق الصبر ومن مبادئنا ان لا نرفضه وباتفاق الجميع واذا لم ياتي فنحن كفيلون انشاء الله باتمام كل شي كما حدث في الماضي وهناك من ابناء التكلة الخيرون من يقوم بذلك إن شاء الله

ارجو ان يتحول النقاش في هذا الموضوع الى هذا البوست

وشكرا لكم

الاخ محمد عوض ...... بعدالتحية
نحن الان ليس فى قضية الدعم من المؤتمر او خلافه ولكن الشىء البخليك تزعل ان واحد فى اللجنة(وائل) اثنين اقولو ليهو ناس المؤتمر اجتمعوا معاكم وفاوضوكم على الكيفية التى يتم بها الدعم وترد ليهو تقول ليهو لو ماعندك علم بالموضوع اسال ناسك الموجودين معاك فى اللجنة يقول ليك مابسال انا بشتغل برائى لوحدى . تقول ليهو اسال خالد اقول ليك انا مابقدر اواجه خالد طيب بالطريقة كيف نستمر فى العمل مادام هناك معاكسات داخل اللجنة . المهم نحن كمغتربين علينا دفع اشتراكاتنا والمساهمة فى بناء النادى ومرافق القرية الاخرى وان نرسل دعمنا لامين المال فهو الذى سوف يحاسب فى الاخر على نتيجة اعماله

شكرا الاخ خالد عبدالرحيم على حضورك وردك على الموضوع

ونفهم من ذلك انه مجرد نقاش بينك وبين مصطفى البخيت ولا دخل له بالرابطة من قريب او من بعيد وبما ان مصطفى البخيت ليس جزء من هذه الرابطة فالان يمكننا القول بانه قد حصحص الحق ويمكننا تصديق كل حرف قاله الاخ وائل وانهم لم يسمعو بهذا الدعم ولم ولن يرفضوه انا شخصيا توسمت خيرا في هذه الرابطة لانها رابط قامت بشى ملموس وليس كلام على الورق والمنتديات وانها قد قامت بخطوة فعالة عندما قامت بهدم النادي والشروع في بناءه وهذه خطوة ملموسة ونتمنى منهم بعد ان ينتهو من النادي التوجه مباشرة الىالمركز الصحي الذي هو ايضا من المرافق المهمة والتي تحتاج الى ايادي الشباب الطموح مثل ابناء هذه الرابطة سيرو وعين الله ترعاكم ولا تلتفتو الى مثل هذه الاشياء التي قد توقف العمل

بالنسبة للاخ خالد ايضا احسبك من الشباب النشطين والطموحين وان الحديث قد استفزك وطرحته على المنتدى وكلنا كنا في جانبك لاننا قد ايدنا جملة وتفصيلا اي دعم ياتي للقرية من اي جهة كانت وواضح في كلامك الاول ايضا انك لم تقحم الرابطة كجسم وانما طرحت الموضوع كموضوع عام للنقاش وشكرا لك على ذلك


رايت ان احول النقاش في الموضوع الى هنا

بسم الله الرحمن الرحيم
(يا ايها الذين امنو ان جاءكم فاسق بنبأ فتبينو ان تصيبو قوما بجهالة فتصبحو على مافعلتم نادمين)
والله قربت تبق فينا .......واسفي على نفسي........
والله انا كنت داير الزم الصمت وما اجيب سيرة الموضوع دا تاني عشان مانكتر المشاكل .........
ويجي كل زول يفتح خشمو وانت داير مشاكل وانت داير تلخبت.......ولا واحد يعمل فيها خلاس جابا من ديلا وبقول لي داير تخالف لتذكر ...........
لكن حقول جزو من الحقيقة والباقي بخلي شوية عشان ما ابقى الزول القالو الناس الما عارفنها صابا وين ديل....
اولا انا اوريكم سمعت كلام الدعم دا وين ؟؟؟اسمع يامودي وكل الاعضاء بازات الناس البرة......لانو الناس الجوة العارفنوكتيييييييييييييير وساكتين البتكلم طوالي بشنو عليو حملة.....وبسكت!!!!!!!
اانا مابسكت....لكن حعمل هدنة لعل المركب تمش......
انا الكلام دا سمعتو بعد تلاتة ايام من هدم النادي وفي بيت ناس الكبور....عبدالله كان بشرح لينا كيف كيف بدا يلم الدعم واتصل بمنو والاتصلو بيو منو!!!!الناس الكانو حاضرين القعدة دي منو؟؟؟؟؟
1\محمد يوسف الكبور!
2عبدالله مصطفى صالح
3\محمد مصطفى محمد قسم السيد
4\قائد حسن
5\محمد الجد محمد قسم السيد
6\عادل عبد الواحد
اما وائل فسلم علينا وطلع الحق يقال ماقعد وسمع النقاش ...........
انا عجبني الكلام جدا وكذلك كل الجماعة الفوق ديل وجيت جاري المنتدى شايل البشرى..........
لغاية هنا انتهى..........بلاش بيان بلاش جوطة......
الهسة داير اقولو للناس البرة(قصدي برة السودان ما برة النادي البرة النادي ديل الله يهديهم بس)...انو العمل البدأ في النادي والله كان بسنونا يتم ....كان شاكلنا ولا شاكلونا والله تاني مايقيف....النادي وراو رجال......
الخلاف الحصل دا ما حيخلينا نعاكس زول لاالرابطة ولا ايزول شغال في اعمار النادي .....نختلف مع ناس الرابطة وندعم عملها .....
والله غايتو معاكم كان درتونا كان ابيتونا وكان هاجمتونا...........ا
انعدلو وامشو عديل عشان نلز معاكم المركب تواصلو لولوتكم دي .....والله نكفيها ونرميكم منها ونشيل في كتوفنا.....
الاخ عبدالله مصطفى الله يعينك ويقويك نحنا معاك......اما الباقين.....
فاذهبوووووووو انتم الطلقاء.

في حاجة انا ما فاهما اوكنت فاهمة غلط؟؟؟؟؟
وعايز كل الاعضاء في المنتدى يردو او كل من يهمو الموضوع......؟
الاعضاء الفي المنتدى انتو دايرين تعرفو الحقايق ولا دايرين الناس تغتغت وتقولو موسى وتلقو فرعون.....
اذا كانت الحقايق مررررررررررررررررررررررة وبتجيب المشاكل رايكم شنو؟؟؟؟؟
تتقال ..........وتقولو بتاعن مشاكل وكايسين شهرة......
ولاتقعدو نايمين في العسل كدا ......
اذا دايرين تخلو منتدى للمجاملات والكلام المعسول.........
فهنييييييئا لكم

السلام عليكم جميعا" نحن هنا من اجل ان يشيد نادي النيل وليس للنقاشات الملسنه التي تؤدي في النهايه الي ضرر بالغ يصيبنا جميعا وبعدها تتلاشي احلامنا التي بلغت من العمرعتيا فيا اخوتي واباءي لا نكترث ولا نلتفت لأشياء ثانويه تخرجنا من النص فنصبح نحلق خارج السرب حقيقة وبصراحه منذ ان بدأت الصيانه في النادي كان قلبي ينادينى بان ادخل المنتدي حتي اطالع ما كتب عن هذا العمل الضخم فواهم قلبي الذي ظن باننى ساجد الناس يغمرها الفرح والسرور بسبب هذه الخطوه التي تأخرت كثيرا"فظللت امانع الدخول الي هذا المنتدي خوفا من ماوجدته والذي تيقنت تماما باننى ساجده والحمدلله ماخاب تخيلي وجدت كل الكتابات للاسف خارجه عن اشياء ومواضيع رثه انتهت بذمنها لان الحديث عنها لايفيد بشي
اخوتي ظل هذا النادي بشكله منذ تأسيسه سنه 1956م فمنذ ذلك التأريخ والي يومنا هذا تعاقبت عشرات الادارات فالمحصله كانت نفس البنيه التحتيه التي شيدت من طرف اول اداره للنادي الي ان وصلت الي اخر إداره فنحن هنا لانريد ان نبخس عمل انسان او نلوم انسان بعينه علي تقصيره وليس فشله في جزءئيه من عمله الذي تصدي له تطوعا" وخدمة لأهل قريته فبصراحه الانسان عندما يأتي لخدمة مجتمع اهله لاينتظر لكي يدفع له مقابل جراء ماعمل
فقط الذي ينتظره كلمات شكر واشاده يفضل يعتز ويفتخر بها فتصير وشاح في صدره يعتز به كثيرا فيا جماعه النادي محتاج لنا جميعا ولكن بشرط ان نترك سيوف نقدنا الهدامه خلفنا ونأتي له ونحن في قمه المروءه والشجاعه فالنبتعد عن المشاكسات والجدالات فندع الاخبار التي تأتي كل يوم الي حالها فهذه الاخباره فكرتها بايته اصلا ولكن تتلون فقط طريقة كتابتها وصياغتها فتجد في النهايه فهم واحد قاصر ولكن للاسف معظم الناس تجري وري هذا الافكار جري الوحوش فتعالو نبدل الفكره والحديث فنأتى بفكرجديد عكس السابق تماما حتي نتقدم الي الامام وحتي نكمل مابدأناه لذلك اطالب واناشد كل شخص خط يراعه في هذا المنتدي ان يقف وقفه رجوله يشهدها له التاريخ ولكي تضاف في رصيده الشخصي فقط اشاده وتقدير تجعل العمل يسير بسرعه الافلات وليس السلحفاء دعونا من تبرعات المؤتمر ؟ ومن هذا شغل لرابطه ؟ ومن الاداره الحاليه ماشرعيه ؟ ومن القنابل الخنفشاريه التي لاتسمن ولاتغنى من جوع ؟ ومن الاسرار التي الاصلا" ماموجوده في لعمل العام ؟تعالوا نتماسك وننبذ العصبيه والانتماءات الضيقه والتي خصمت مننا الكثير هيا لنبنى النادي الذي يعد المأوى الحقيقي لكل شاب فدمتم جميعا"

لا فض فوك اخ معاذ موسى كلام كبير ومهم وذو جدوى فقد كنا منذ امد بعيد ننتظر مثل هذه الخطوات الملموسة وياريت تستمر من مرفق الى مرفق ومن بيت الى بيت والى الامام الى كل من ساهم ولو بكلمة في الانطلاقة الحقيقة لبناء مرافق قريتنا بجهد ابناءها فالاوطان لا تبنى الا بسواعد بنوها

وشكرا لك

شكرا الاستاذ محمد العوض علي ثقتك فينا
وشكرا معاذ علي كلامك الواعي
ويااحمد صديق انا ماداير ارد ليك لانو النقاش مامفيد وماح يضيف حاجة لي عملنا الميداني في النادي ومحتاجيين نتكاتف كلنا عشان نوصل ونطور قريتنا

---

بسم الله الرحمن الرحيم
والصلاة والسلام على اشرف المرسلين .. الشكر من بعد الله الى اللجنة التنفيذية للرابطة وهية تقوم بأولى مشروعاتها تجاه القرية نتمنى لها كل التوفيق ..الفرق بين العمل الحكومى والعمل التطوع ان العمل الحكومى يمشى وفق اسراتيجية موضوعة للجهات التنفيذية ..وذالك بسبب وجود الالية التى تعين على العمل.. وتنفيذة فى فترة محددة وفق خريطة مرسومة ..العمل التطوعى يختلف يحتاج بالاساس الى مجهودات فردية وتفانى فى العمل وغالبا مايكون مرتجل ومتغير على حسب مزاج الافراد والدعم الموجود\ وخارطة الطريق لدية وعرة جدا وغالبا ماتصطدم باافكار واقتراحات الاخرين وثورة الشباب ..لا تقصو رائى احد اتركو كل شخص يدلو بدلوة لنستمع ونتحاور ونتناقش فى بعضنا هذه هيه روح الديمقراطية وهذا هو التطور الطبيعى للانسان ..نعم هنالك نقاشات خارج النص وتفلتات ولكن هذا من واجب ادارة المنتدى ان تدير الدفه كما يجب ..انا بصبح سعيد جدا عندما نتناقش فى المواضيع على الملا ونتحاور حولها يجب ان لانجعل انفسنا اوصياء على الاخرين بل ننقاشهم ونحاورهم بالمنطق وللمرة الثانية انا سعيد بفتح المنتدى لمثل هذا النقاشات ولكم خالص ودى
ملحوظة ورسالة الى اللجنة التنفيذية للرابطة ارجو ان تناقشو مواضيعكم واجتماعاتكم باكثر همسا

ايا وايل اجي اشيل معاكم وييييييييييييييييييييييييييييييييييييين؟
عندكم نادي تاني غير دا قاعد تبنو فيوولاشنو؟؟؟؟؟
يا زول انسى الفات.....لما تجو النادي تلقو ابتسامتنا عريضة وحنمد ليكم ايدينا بيضاااااااااا عشان الناديبس......
خلي الفات ونبدا صفحة جديدة كلنا اي شاب في الحلة ما ناس الرابطة بس .......
وللعلم النادي وصل البيم

يااحمد عندنا اي نادي تاني قدام مدرسة التكلة ...بس ابقي تعال