المركز الصحي و فرصة ذهبية للتطور

ههههههه هوووووووووووي ياناس دقيقة بلاي ماتتشاكلو ساي
قروش شنو
والرفض منو
ياجماعة ماتخسرو بعض ساي وشنو المصطلحات الغريبة دي (الحاقدين وامشو قابلو الصادق والميرغني وغيرها)
شنو الحاجات الماليها لازمة دي
انتو هسه قاعدين تتشاكلو ساي واصلا مافي حاجة لاقروش ولاغيرو
انا في الرابطة ومافي اي زول جانا من الناس ديل قال داير ادعم
ولجنة النادي كذالك مافي اي زول جاها
ولو جابوها حنشيلها ولي من شيلها والله نشيل امها ذاتو ده ماحقنا ولاشنو
لكن للاسف لسه ناس المؤتمر البطني ماجونا
يامعاوية ليه لسة ماجونا والله نحنا هسة قاطعين عدييييل قول ليهم سرعو ياخ
علي حد علمي انو ناس المؤتمر البطني ديل ناس كلام ساي ولخبطة
وكل ماالناس تتلمه وتجي تعمل حاجة طوالي بجو اخربو الشغل والله سبحان الله
والله شي غريب ليه دايما بكونو حريصين علي انو الناس تكون مشتته
ومن متين يعني قاعدين بجيبو دعم
ولو اصلا هم جابييييييييين قروش ليه ماجو لا لي الرابطة ولا لجنة النادي لحدي هسة ليه
وليه الكلام من برة ساي(القصد شنو يعني )والحريف بفهما
وليه المؤتمر الوطني في التكلة ماحريص علي توحيد القريه السبب شنو يعني
يادندش والله مانسكت نسكت ليه دايرين حقنا وزي ماعملو لي ناس كلكول مركز صحي كبييييير وناس البشاقرة مستشفي حوادث نحنا زاتنا دايرين ولا شنو
وهسه ماابقي كلام ساي ياناس المؤتمر الوطني اقصد معاوية وخالد وغيرو(دايرين مركز صحي متطور ،وبيارة تانية ،وبالوقت مدرسة الاساس دايرة تقع وعلي وشك ومااظن تكمل الخريف الحقوها سريع )
شوف بلاي قال قروش قال اصلا انتو جيبتوها ونحنا ابيناها
وهسة نحنا راجنكم تجيبو الدعم ههههه بس عليكم الله ماتتأخرو
ومع تحياتي وامنياتي ان نتحد جميعا بعيدا عن احزابنا السياسية لرفعة قريتنا الحبيبة ولتكن القرية هي المصلحة العليا

الابن وائل ........ بعد التحية
اذا انت فعلاً عايز مصلحة القرية وغير قادر على مواجهة خالد فارجو منك ان تخبر اعضاء لجنة النادى اواعضاء الرابطة بالذهاب الى خالد والاستفسار عن الشخص الذى احضر فلوس المؤتمر الوطنى للنادى وتم رفضها لان السكات على هذا الموضوع يعتبر جريمة وانا لومااتصلت بخالد وتاكدت من الموضوع كنت سوف لااكتب ولا أرد فى هذا الشأن .
الشىء التانى الذى اطلبه منك هو عدم الضحك على الناس اثناء ردودك فليس هناك من تكلم فى شخصك لان الموضوع خاص بالقرية
الشىء الثالث هذا جزء من ردك على موضوعى
يادندش والله مانسكت نسكت ليه دايرين حقنا وزي ماعملو لي ناس كلكول مركز صحي كبييييير وناس البشاقرة مستشفي حوادث نحنا زاتنا دايرين ولا شنو

لوقريت كلامى كويس انا قلت العايز اشتغل لمصلحة القرية اشتغل والماعايز احسن اسكت اترك الناس اشتغلوا بما يأتيهم من تبرعات ولكن يتضح من ردك هذا انك احد اللذين رفضوا هذا التبرع . واذا فعلاً انت تريد مصلحة القرية كما ذكرت فلاتسكت اطلاقاً وخليك دائما واقف مع الحق واستلم اى تبرع من اى جهة مهما كانت الكراهية بينك وبينها .
اكرر لك كلامى مرة اخرى وارجو تكليف شخص او اثنين من اللجنة لمقابلة خالد حتى نعرف الحقيقة
مع تحياتــــى

الاخوة الاعزاء

استبشرنا خيرا بقيام شباب الرابطة بالعمل على بناء النادي وهاهم يواصلون العمل على قدم وساق وللاطمئنان اكثر ارجو ان يطلعونا على اخر ما وصل اليه العمل اما عن الكلام الداير حول الدعم من المؤتمر الوطني وبماانا الاخ وائل هو مسؤول العلاقات الخارجية وعلى حسب ما قال انهم دائما مرابطون في النادي (ونشكرهم على ذلك) وانهم لم يتلقو اي دعم من اي جهة كانت فانني المس الصدق في كلامه لانه اذا كان كاذب فان الكذب حبله قصير والحل في هذا الشان هو ان نسمع راي الطرف الاخر وهو خالد وبما ان الخبر نزل في المنتدى فنريد من خالد ان ياتي ويؤكد الخبر عبر هذا المنتدى وحينهاسنعرف الحقيقة وكل ما اريد ان الخصه يجب على ابناء الرابطة ومن معهم السير قدما في اعمالهم وعدم الالتفات الى اثارة الفتن واكمال مشروع بناء النادي ومن ثم الانتقال الى مرفق اخر


وشكرا لكم

بسم الله الرحمن ارحيم
والسلام عليكم
احييكم على طرح هذا الحوار الجميل وهذه الممارسة الديمقراطية .....
ولكن كلامكم دا مع احترامي للكل فيه نوع من عدم الموضوح والكلام الذي دا لازم يكون وااااضح ما نقعد نلف حول النور........
دي مصلحة الحلة ونحنا والله ما بنجامل فيها يعني ياعمنا دندش تورينا الناس الرفضو ولا نقصر الكلام......
عشان نحنا في النادي مانقعد نحس انوقاعد يلمها النمل ويطاها الفيل....
الاخ وائل انت المفترض انك المتحدث الرسمي للرابطة ارجو انو كلامك يكون موزون لانك معبر من افكار الرابطة وسياساتها وقد يكون كلامك له مردود سيئ على مسيرة الرابطة يعني انا عارف انتماءك الحزبي رما يضيرنا في شيئ ولكن هجومك على المؤتمر الوطني او البطني كما تقول وانت ممثل الرابطة وماتقوله يعبر عنها فيه مليوووون علامة استفهام!!!وانتم الداعون الى البعد عن السياسة جيتو فزع وداير تبقى سبب الوجع؟؟؟؟
اما الاهم فيا عزيزي وائل اما انك انت ما جايب خبر من امرالرابطة اوانك عندك اغراض اخرى
انا لا اتجمل ومابجامل رغم اني اقف داعما للرابطة واول من اشدت بعملها في هذا المنتدى لكن الحق يقاال واي اسم يلاقيني بجيبو...:
اولا ناس المؤتمر اتصلو بالرابط يا وائل وعرضو الدعم واتفقو معاكم وحيدوكم ليو او ادوكم ليو فعلا اذا كنت مهمش داخل الرابطة امش اسال رئيس الرابطة محمد يوسف (امعاك في البيت) او الامين العام عبدالله مصطفى صالح
ياحضرة الواجهة الرسمية اذا ناس المؤتمر الوطني ماسلموكم حاجة وسمعو كلامك دا وغيرو رايهم فانت المسؤول امامنا
ما ليهم حق حيكون اذا انت عايز تنكرهم من هسة
هووووووووووووووووي ابقو واضحين معانا
حصل بيناتكم اتفاق ولا لا
العارفينو غير كدا

شكراً الابن أحمد صديق على الكلام الجميل وفعلاً هناك لبس فى الموضوع وطالما ناس المؤتمر الوطنى اجتمعوا بالرابطة فان كلام الاخ خالد صحيح100%
فارجو من الابن وائل الناطق الرسمى باسم الرابطة ان لم يكن متاكد من كلامه الذى يكتبه فى المنتدى ان يسأ ل اخوه محمد يوسف او عبدالله مصطفى صالح ثم أعطينا الحقيقة بالكامل لان ماذكره الابن احمد كلام واضح وصريح نرجو الاجابة على سؤاله الذى طرحه عليك بكل صدق وأمانة

ا

السلام عليكم
انا شايفة اغلب الشاركوا في الموضوع دا بردوا بانفعال زيادة . دا موضوع مفروض اي زول قرر يشارك فيهو يقول كلامو باحترام لانتماء الاخر ويستقبل الرودو بصدر رحب . شنو نحن ح نستفيد لما يطرح موضوع في مصلحة الحلة وفي النهاية نطلع بانو ناس الحلة ماممكن يتقبلوا لبعض اي كلام ودا نتيجتو طبعا احتمال يدخلوا في خصام وبعد ما الموضوع كان مقصود بيهو خير بقى اكبر شر لانو الموضوع بعد داك ما ببقى فردي فلان خاصم فلان وانما مجموعة ايوة مجموعة يا اما حزبك او قبيلتك وكدة . ياجماعة الكلام دا كلو مابخدم وقدر ما نقول نحن ماذي القبلنا بنجي نلقى روحنا افظع من الاتو لذا انتبهوا .

اذا جات قروش المؤتمر كويس واذا ما جات ما حصل حاجة اصلا العمل بدا بدعم ناس الحلة . انا شايفة افضل تفتحوا بوست للتبرعات عشان النادي يكتمل .

عوض الفاضل على كتب:

السلام عليكم
اتمنى ان لا يستمر الحوار فى هذا الموضوع اكثر من ذلك لانه لا يفيد وسنخسر بعضنا البعض ونعطل العمل بالقرية ..
الاخ دندش ارجو ان تحسم هذا الموضوع بنشر الاسماء التى رفضت الدعم والا فان حديثك هذا يعتبر اتهام يجب ان تعتزر عنه ، لكى لا تتسبب فى خلافات بين هؤلاء الشباب (جمعوا ولا تفرقوا)..
اما عنك انت يا احمد صديق يجب عليك ان تعمل بالنصيحة التى بعثت بها الى وائل (خلى كلامك موزون)لانك قد تحدثت حديث من لا منطق له فقط يريد ان يخالف ليذكر ..
كتبت يا احمد فى هذا المنتدى كلام تافه عن المسجد العتيق ولم يرد عليك احد لهذا السبب..
وكتبت ايضا حديث عن ادارة النادى تسبب فى ابعاد اعضاء لهم دور فاعل فى هذا المنتدى لن تستطيع انت ملء خانتهم ، لما لهم من افكار نيرة وعلاقات واسعة يمكن ان تستفيد منا القرية..
وانت الان تتحدث بنفس هذه اللهجة الطاردة تتحدث عن الرابطة الى هى جسم منتخب من قبل الطلاب بالقرية يجب ان نشجعهم ونقف معهم من اجل القرية...
نحن لن نقول لك اصمت وهذا ليس من حقنا ولكن فقط راعى للكلام البتكتبو وللاثار والعواقب التى يخلفها مثل هذ التهور والهمج..

الاخ الفاضل ......عوض الفاضل لك التحية
والله يا اخوي انا كل كلام كتبتو او قلتو او كتبتو مسؤول منو مسؤولية تامة ........وما جيت المنتدى دا عشان يتم ذكري منك او غيرك ولاحاجة لي به......
انا واحد من الناس محدود المشاركات يعني من سجلت في المنتدى دا ما فترة قصيرة الجو وراي عملو خمسة نجوم وما بكتب الا لمن احس انو موضوع مهم او حارقني واعبر عن وجهة نظري بكل صراحة اذا وصلك طرف سوط في موضوع المسجد التم سنة داك كان تقولو من زماااااااااااااااااااااااااان ياخي ودي وجهة نظري وقناعتي التامة لكن تجي هسة وكمان تقول تافه !!!!!!!!!!!!

ياخي اتقي الله انت منو عشان تحكم علي ؟؟؟؟؟؟؟؟؟
من حقك تناقش اوترفض لكن ما من حقك توريني اكتب شنو عشان اكون زيك واعجبك
اما كلامي عن ادارة النادي فانت ومع احترامي ليك ماعندك اي خق تجيب سيرة النادي........لانك ببساطة ماعنك علاقة بالنادي ولاحصل يوم شفناك جنبو اوحواليو.........
وماعارف منو القاعد يقدم للنادي ومنو البتكلم سااااااااااااااي في الموائد برة النادي حيث يسمعه من هم خارج النادي زيك بنظرياتم وتفتكر انت انهم فقد............لانك ما قاعد مع شباب النادي...
اما الرابطة فاسالم كلهم عن وقوفي معاهم وحتى وائل وحظل معاهم لغاية ما يتم النادي ومعاهم في كل مشاريعم...............
الزيك من الصفيقة فوق العوج هم المؤخرين الحلة ............
لجنة النادي كويسين!!!!!!!!!!!!؟؟؟؟ ياخي تعال شوف النادي واديني امارة واحدة اتقي الله يلخي......كان خلافك معاي موضوع المجلس العتيق هو الخلاك تشتر كدا خليك عارف انا ما بغير ري فيو ولغاية قيام الساعة العواسة الفيو دي غلط.............
الاعور اعور في اعيننا وقلوبنا والسننا

[/quote]
الخ العزيز وائل .
انا دايرك تعرف ان انت الواجه الرسمية للرابطة والناس في الحلة ما زي الناس برة يعني شغل النقابات وكلان تصريح رسمي وتصريح شخصي ماكل الناس بتفهمو......
نحن لسة بنعاني من مشكلة احترام الراي الاخر لسة يا وايل على الكلام دا.....
يعني انت واجهة ورسميا اوغير رسميا ابتعد عن التعرض لاي طائفة او فئة مهما كان خلافك معاها لغاية ماتسلم امانتك........
زي ماقلت ليك شغل الرسميات الباخر الشغل ما في داعي ليو يعني تمش تسا عن دعم الموتمر البطني امش اسال وما تقول اتكلمو بي ورانا ولابطريقة غير رسمية ......اسال عبدالله وما تتعالى على السؤال انت قاعد في مكانك دي عشان تقدم .
لو ما قادر تسال الناس الجووووووة الرابطة الا باجتماع رسمي واجتماع مع ناس الحلة دي مشكلة يااخويييي............
عليكم الله فكونا من برتكولات العمل النقابي دي نحنا دايرين عمل.
عبدالله اكد انو تلقى اتصالات للدعم رايك شنو؟؟؟؟؟؟؟؟؟؟؟؟
المهم تمشي ياوائل للدعم دا اذا في زول قالو عندو امشي خسران شنو؟؟؟؟؟؟؟؟؟؟
ما انتت جاي للسك.؟..لكن تقعد وتقل ما اجتمعو بي!!!!!!!
لو كان بتتلم كدا ماكان في غلب
والله من وراء القصد

شكرا الاخ خالد عبدالرحيم على حضورك وردك على الموضوع

ونفهم من ذلك انه مجرد نقاش بينك وبين مصطفى البخيت ولا دخل له بالرابطة من قريب او من بعيد وبما ان مصطفى البخيت ليس جزء من هذه الرابطة فالان يمكننا القول بانه قد حصحص الحق ويمكننا تصديق كل حرف قاله الاخ وائل وانهم لم يسمعو بهذا الدعم ولم ولن يرفضوه انا شخصيا توسمت خيرا في هذه الرابطة لانها رابط قامت بشى ملموس وليس كلام على الورق والمنتديات وانها قد قامت بخطوة فعالة عندما قامت بهدم النادي والشروع في بناءه وهذه خطوة ملموسة ونتمنى منهم بعد ان ينتهو من النادي التوجه مباشرة الىالمركز الصحي الذي هو ايضا من المرافق المهمة والتي تحتاج الى ايادي الشباب الطموح مثل ابناء هذه الرابطة سيرو وعين الله ترعاكم ولا تلتفتو الى مثل هذه الاشياء التي قد توقف العمل

بالنسبة للاخ خالد ايضا احسبك من الشباب النشطين والطموحين وان الحديث قد استفزك وطرحته على المنتدى وكلنا كنا في جانبك لاننا قد ايدنا جملة وتفصيلا اي دعم ياتي للقرية من اي جهة كانت وواضح في كلامك الاول ايضا انك لم تقحم الرابطة كجسم وانما طرحت الموضوع كموضوع عام للنقاش وشكرا لك على ذلك