لورى زين العابدين الكاتب الساخر الفاتح يوسف جبرا |
<TABLE class=MsoNormalTable dir=rtl style="WIDTH: 538.45pt" cellSpacing=0 cellPadding=0 width=718 border=0> <TR> <td style="PADDING-RIGHT: 0in; PADDING-LEFT: 0in; PADDING-BOTTOM: 0in; WIDTH: 538.45pt; PADDING-TOP: 0in" width=718> لدى يقين لا يتزحزح بأن أى إنتخابات تجرى فى السودان و(الدول المجاورة) لن توضح بجلاء ما يريده المواطن، بمعنى أنها لن تكون معبرة عن الإرادة الحقيقية للمواطنين على الرغم من ذلك الشعار الرنان الذى يتردد فى كافة الوسائط الإعلامية مخاطباً المواطن بأن (صوتك أمانة) ! ولأننى أعلم تمام العلم بأن صوتى (لا أمانة ولا حاجه) فى ظل هذه (الجوطة) الحاصلة والإهمال وعدم الإنضباط فلم أشارك فى عملية التسجيل (من أاساسو) ، فهذا الصوت الأمانة لا يعنى أى شئ إذا ما فقدت الإنتخابات (الضبط والربط) وذهبت بقية (الأصوات الأمانات) إلى أصحابها ، فصوت (المواطن) يصبح أمانة فى حالة أن تكون العملية الإنتخابية كووولها (أمانة) ! فما معنى أن يكون صوتى أمانه فى الوقت الذى تضيع فيه أصوات أخرى كما حدث فى ذلك الخبر الذى وردته صحف الأمس والذى يقول : تفاجأ المرشح المستقل في دائرة نيالا وسط (3) زين العابدين المصري، مع بداية الاقتراع أمس بتغيير رمزه من اللوري إلى الجرس ! أى والله العظيم .. الراجل حملتو الإنتخابية كووولها يكلم فى أهلو وعشيرتو : - يا جماعة ما تنسو .. الرمز بتاعى اللورى ! - رمزى شنو؟ - اللوووورى ! - ح تأشروا قدام شنو؟ - اللووورى ! وبالطبع لم ينس هذا المرشح (المستقل) بأن يقوم بطباعة (بوسترات) عليها صورته وهو يعتلى (لورى 7 طن) رافعاً سبابته بعلامة النصر بينما يرفع بالأخرى (الكريزة) ! وهو ذات اللورى الذى قام بإستئجاره لتدشين حملته الإنتخابية وذلك بالتجوال وسط أحياء وفرقان دائرته الإنتخابية متوقفاً أمام الجماهير وهو يشير بيده إلى اللورى قائلاً : - ده شنو؟ - لوووورى! - الرمز شنو؟ - اللوووورى - ح تدو منو؟ - الللوووورى ! على الرغم من أن (زين العابدين المصرى) مرشح (مستقل) ولا يدعمه حزب إلا أنه لم يبخل بالصرف على حملته الإنتخابية وتعريف جماهير دائرته (باللورى) فهو وسيلته لتحقيق حلمه الإنتخابى ، لذا فقد قام بصرف (الوراهو والقدامو) .. شئ إيجار اللورى وشئ (جاز) اللورى .. وشئ حق السواق .. وشئ حق المساعد .. كلو (دفعو من جيبو) .. بالإضافة لى حق طباعة البوسترات الفيها (صور اللورى) ، بذل المرشح (زين العابدين) كل مجهود ممكن لتعريف الناخبين فى دائرته بأن (اللورى) ده هو شعاره ! وجاء يوم التصويت حيث ذهب (زين العابدين) ليدلو بصوته ... أمسك بورقة الترشيح فلم يجد أثراً (للورى) : - يا جماعة اللورى بتاعى وينو؟ مشى وين! - لورى شنو يا زول؟ إنتا جيت هنا بى لورى ! - ما جيت بيهو .. ما جيت بيهو.. يا جماعة اللورى ده الرمز بتاعى - أيواا ما تقول كده .. إنتا زين العابدين المرشح المستقل؟ - أيوا أنا ذاااتى - طيب ما تقول كده من الصباح .. رمزك بقى (الجرس) ! - معقولة يا جماعة ؟ من لورى لى جرس ! طيب كان تخلوهو لي (قندرانى)! - يا زين العابدين رمزك بقى الجرس وبطل الجرسة ! - ما أتجرس كيفن يا جماعة ؟ هسه البكلم ليا الناس دى يقول ليهم اللورى بقى جرس منو؟ بالطبع ليس هنالك وقت كيما يقوم (زين العابدين) بتأجير (لورى تااانى) وإعتلاءه ليطوف على مواطنى دائرته وهو يحمل (جرس) فى جيبه مخاطباً اياهم : - ده شنو؟ - ده شعارك اللورى يا زين العابدين ! - (يخرج الجرس من جيبه) : وده شنو ؟ - (الجميع) : ده جرس يا زين العابدين ! - (وهو ينزل من اللورى) : اللورى ده خلاااس غيرناهو ! - (فى صوت واااحد) : غيرتو لى شنو ! - (يدق الجرس) : غيرناهو للجرس ده ! غيرناهو لى شنو؟ - (الجميع) : للجرس ده ! - اللورى شنو ؟ - (الجميع) : غيرناهو - (وهو يدق الجرس) : غيرناهو لى شنو؟ - (الجميع) : للجرس ده !! حيوا معى جميعاً المرشح المستقل في دائرة نيالا وسط (3) المواطن زين العابدين المصري والذى لا يزال حتى هذه اللحظة يحتفظ بكامل (عقله) لأنى لو كنتا مكانو لأصبحت أحد معالم مدينة نيالا الرئيسة ولرأيتنى أيها القارئ الكريم هائماً على وجهى فى الطرقات أحمل داخل جيب (جلابيتى) المتسخة (جرساً) ما أن أشاهد أحد اللوارى يسير على الشارع حتى اصرخ فى المارة وأنا أشير نحوه قائلاً : - شفتو اللورى ده ! - شايفنو - هسه أقلبو ليكم جرس ثم أخرج الجرس من جيبى وأديهو كم (رنة) ثم إنخرط فى نوبة من البكاء ! كسرة : بينى وبينكم كده .. معقوله هسه الزول يمشى يصوت (للشجرة) يلقاها بقت (سمكة) !! </TD></TR></TABLE> |
+2
ود دندش
محمد عوض الفكى
6 مشترك
لوري زين العابدين
محمد عوض الفكى- تكلاوي متميز
- عدد المساهمات : 784
تاريخ التسجيل : 05/12/2009
العمر : 55
الموقع : السعودية الخبر المنطقة الشرقية
- مساهمة رقم 1
لوري زين العابدين
ود دندش- تكلاوي متميز
- عدد المساهمات : 651
تاريخ التسجيل : 12/04/2010
- مساهمة رقم 2
رد: لوري زين العابدين
برضو تقول لي مافي تزوير هو غير التزير الناس في السودان كلهم عاطفيين بس قالو ليهم نحن جلد كديس مابنسلم وامريكا تحت جزمتي نسو كل حاجه والله الزول البعرف اكتب ومتعلم مابدي صوتو للشجره عشرين سنه قالو انجزنا عملو ليهم تلاته كباري وسد ياخي الانقليز عملو مشروع الجزيره في اقل من سنه ونص من سنار لي بتري شوف الزمن داك كان كيف هسه مشروع الجزيره وين موقعو من الاعراب زمان الفدان كان بنتج اكتر من مائه فدان هسه الفدانين مابجيبن 75فدان انتها مشروع الجزيره مع قيام مشروع سندس الزراعي وانتها مشروع الجزيره نهاية بطل والله ياستر ياصفراب من الدراويش والهجين
حسين امبلي- تكلاوي متميز
- عدد المساهمات : 163
تاريخ التسجيل : 20/04/2010
العمر : 33
- مساهمة رقم 3
لولا الشجره لما كان
اسي عليك الله في زمتك الاتحاد الدموقراطي منو فيهو شكلو شكل رئاسه ولا منصب عالي الحكومه دي خلوها للمؤتمر الوطنى
عوض الفاضل على- تكلاوي متميز
- عدد المساهمات : 766
تاريخ التسجيل : 22/12/2009
العمر : 44
الموقع : امدرمان
- مساهمة رقم 4
رد: لوري زين العابدين
خليناها ياحسين.. اى طلب تانى ؟
حسين امبلي- تكلاوي متميز
- عدد المساهمات : 163
تاريخ التسجيل : 20/04/2010
العمر : 33
- مساهمة رقم 5
رد: لوري زين العابدين
نحن بنطلب المعقول والمعقول وااااااااااااااااضح
المقداد حمد- تكلاوي متميز
- عدد المساهمات : 788
تاريخ التسجيل : 19/04/2010
العمر : 42
الموقع : المملكة العربية السعودية
- مساهمة رقم 6
رد: لوري زين العابدين
ابعد كل ما قتلوا و ما شتلوا يكونون الاحق بالرياسة والسيادة
لقد نجحت الانقاز في الفتك بالعقول و الأفكار و استعمرتنا ثقافيا كما فعلت فرنسا ايام الاحتلال الاوروبي علي قارات الفقر
افسدوا الشعوب ليسهل حكمها غير مبالين بالاجيال اللاحقة...
و أنا اثق تماما ان السودان يسير نحو هاوية سحيقة و لا خلاص منها الا ببعث رسول
و هيهات
ولات حين مناص
لقد نجحت الانقاز في الفتك بالعقول و الأفكار و استعمرتنا ثقافيا كما فعلت فرنسا ايام الاحتلال الاوروبي علي قارات الفقر
افسدوا الشعوب ليسهل حكمها غير مبالين بالاجيال اللاحقة...
و أنا اثق تماما ان السودان يسير نحو هاوية سحيقة و لا خلاص منها الا ببعث رسول
و هيهات
ولات حين مناص
امبلي- تكلاوي قليل النشاط
- عدد المساهمات : 23
تاريخ التسجيل : 19/04/2010
- مساهمة رقم 7
رد: لوري زين العابدين
كما تكونوا يولى عليكم :.يعنى شوفو روحكم عاملين كيف و الرئس زيكم
الأحد مارس 16, 2014 7:35 pm من طرف نيازي مصطفى
» وفاة المغفور له بإذن الله العم صالح الطاهر
الأحد سبتمبر 29, 2013 10:28 am من طرف Abdelwahid Salih
» شكر وعرفان
الأحد يوليو 14, 2013 12:27 pm من طرف عوض الفاضل على
» بالمحبة000بالمعزة البينا بي اغلي الصلات
الثلاثاء يناير 29, 2013 12:58 pm من طرف مرتضى محمد
» كلمات وعبر
الثلاثاء يناير 29, 2013 12:31 pm من طرف مرتضى محمد
» في ذمة الله معلم الاجيال
الإثنين يناير 28, 2013 7:53 am من طرف عادل عبد الواحد
» وفاة المغفور له باذن الله العم عبدالقادر ابراهيم فضل
السبت يناير 19, 2013 5:05 pm من طرف مرتضى محمد
» أعادة تاهيل مدرسة ابودجانة لمرحلة الاساس
الثلاثاء يناير 08, 2013 6:06 pm من طرف عماد دراما
» الفينا مشهودة
الإثنين ديسمبر 31, 2012 10:22 am من طرف ابراهيم ودالقاضي
» الصندوق الخيري
الإثنين ديسمبر 31, 2012 6:50 am من طرف حسن الطاهر
» ذكرى الاستقلال لا الاستغلال
الأربعاء ديسمبر 19, 2012 9:28 am من طرف مرتضى محمد
» أضاعوها وأي امة أضاعوا
السبت ديسمبر 15, 2012 5:16 am من طرف حسن الطاهر
» الصندوق الخيري ياشباب
الجمعة ديسمبر 14, 2012 11:43 am من طرف حسن الطاهر
» خزان الرصيرص علا الله شأن من علاك..
الأربعاء ديسمبر 12, 2012 7:09 am من طرف awad idris
» خزان الرصيرص.. علي الله شأن من علاك
الثلاثاء ديسمبر 11, 2012 8:21 pm من طرف awad idris
» سوداني يحكي قصة حدثت له في كندا
الثلاثاء ديسمبر 04, 2012 6:14 am من طرف حسن الطاهر
» انت مملزمني حدي بس تشيل فوقي وتودي
الأربعاء نوفمبر 28, 2012 3:39 pm من طرف husam
» شهداء النيل من هم دعونا نتذكرهم جميعا
السبت نوفمبر 24, 2012 2:17 pm من طرف المقداد حمد
» بدون تعليق
الخميس نوفمبر 22, 2012 4:04 pm من طرف مرتضى محمد
» سيارة اوباما
الثلاثاء نوفمبر 20, 2012 5:55 pm من طرف مرتضى محمد
» توفى صباح اليوم المغفور له بإذن الله الاخ : صديق الحاج صالح
الإثنين نوفمبر 19, 2012 10:59 am من طرف د. حسين عباس