الرئيسية
الايامات دي أخوانا المريخاب قايمين في وهمه غريبه جدا
قالوا أي فريق عندهم لاعب كان بلعب فيهو لمن يواجه المريخ يخلوا اللاعب يبقى الكابتن لتلك المباراة فقط لا غير
لعبوا مع الامل وكان الكابتن طارق مختار لاعب الامل السابق تكريما ليهو وللامل زي ما قالوا
وسمعنا الليله في الجرايد أن الكابتن حيكون نجم الدين في مباراة المريخ مع الخرطوم
برضوا تكريماً لنجم الدين لاعب الخرطوم السابق
خصوصاً أن اللاعب كان قد هرب من شباك الغرفة الزرقاء لينتقل للمريخ [ندعوك للتسجيل في المنتدى أو التعريف بنفسك لمعاينة هذه الصورة]
وهذه بطولة تحسب له في عرف أخوانا في العرضه جنوب[ندعوك للتسجيل في المنتدى أو التعريف بنفسك لمعاينة هذه الصورة]
المهم الشغله جااااااارة شديد وشكلوا كل مباراة حنشوف كابتن جديد للمريخ
يعني ناس المريخ لو لعبوا كورة ودية مع فريق موناكو الفرنسي حيكون الكابتن موسى الزومة
تكريماً للاعب موسى الزومة الذي فضل البقاء في كوكب المريخ عن الرحيل لفريق موناكو الفرنسي وصرح تصريحه الشهير
المريخ أفضل من موناكو وما وجده هذا التصريح من أرتياح عند جماهير الصفوه[ندعوك للتسجيل في المنتدى أو التعريف بنفسك لمعاينة هذه الصورة]
طيب المريخ لو لعب في كاس السودان مثلاً مع فريق الشجرة
حيكون الكابتن منو.؟
حمد الشجرة لاعب فريق الشجرة السابق
أم المعجزة النيجيريه وارغو بحكم أفتتاح أهدافه الوفيرة في فريق الشجرة وبرضو تكريما له على هدفه التاريخي في الشجرة
ما مشكله في الذهاب الكابتن حمد الشجرة وفي الاياب الكابتن المعجزة النيجيريه وارغو
أصلوا كاس السودان ذهاب و أياب
حسي يعني لو المريخ قابل أتراكو الرواندي في كاس سيكافا حيكون الكابتن كاسروكا
تكريما ليهو لانه لاعب اتراكو السابق
بس كان دايرنو يلعب تمام أربطوا ليهو شارة الكابتنيه في راسو ما في يدو [ندعوك للتسجيل في المنتدى أو التعريف بنفسك لمعاينة هذه الصورة]
السؤال البقى محيرني كابتن المريخ يوم 10-6 ضد الهلال حيكون منو
طارق مختار حنطلعوا بره مع انو كان لاعب الهلال لكن خلاص كرمناهو مع الامل
طيب نعمل أحمد الباشا كابتن تكريما له لانه كان لاعب الهلال السابق
كده أكرم الهادي بزعل وبقول ليه انا ما كرمتوني بالكابتنه ما انا برضوا لعبت لابو الهل
والبطحه بتكون أحلى والكابتنيه طابه اليد
وطمبل من القاهرة يضرب التلفون
يا جماعه هوووووي انا بقيت تمام وراجع ومقرض على كابتنيه كورة الهلال دي ولا بجامل فيها ولا بقبل نقاش زاتو
وكليتشي قالوا من نيو كاسل رسل مسج للوالي
قال ليهو
والي خبيبي أنا أسي بقيت تمام تمام
بس لازم والي خبيبي تدي كليتشي كابتن في كورة بتاع هلال
مرة بتاع أنا قال نفسوا يشوفني كابتن بتاع مريخ
وانا داير تكريم والي خبيبي بحكم انو انا كنت لاعب بتاع أرباب سابق
وقالوا في أقتراحات دايره في المريخ أنو يدو الكابتنيه لنائب مدير الكرة في المريخ
الكابتن مجاهد أحمد محمد بحكم أنه من أقدم لاعبين الهلال السابقين في المريخ
وتكريما للمجهودات التي بذلها لاعب الهلال السابق القدال مجاهد في نادي المريخ حتى وصل
الى نائب مدير الكرة
مشكلة عويصه وجدل محير في النادي الاحمر وحتى الان لا نعرف من سيكون كابتن المريخ أمام الهلال
ويبقى السؤال قائماً
من سيكون كابتن المريخ أمام الهلال
واحد من ظرفاء المدينه قال أقترح أنو ما يدو الكابتنيه لاي لاعب في المريخ اليوم الداك
ويدو الكابتنيه الفخريه للسيد الوجيه رئيس نادي المريخ البرلماني الشهير والمرشح الابرز لتولي منصب وزاري كبير
ويضع الوالي علامة الكابتنه فوق كم الجلابيه
وليتشرف بضربة البدايه بمركوب النمر تكريما له لانه كان مشجع هلالي قديم
ولانه على أعتاب مغادرة منصب رئاسة المريخ بعد الاعلان عن التشكيل الوزاري الجديد[ندعوك للتسجيل في المنتدى أو التعريف بنفسك لمعاينة هذه الصورة]
ويبقى السؤال
بعد كل تلك الاجتهادات والقراءات لواقع الاحداث في النادي الاحمر
من سيكون كابتن المريخ أمام الهلال؟
» وفاة المغفور له بإذن الله العم صالح الطاهر
» شكر وعرفان
» بالمحبة000بالمعزة البينا بي اغلي الصلات
» كلمات وعبر
» في ذمة الله معلم الاجيال
» وفاة المغفور له باذن الله العم عبدالقادر ابراهيم فضل
» أعادة تاهيل مدرسة ابودجانة لمرحلة الاساس
» الفينا مشهودة
» الصندوق الخيري
» ذكرى الاستقلال لا الاستغلال
» أضاعوها وأي امة أضاعوا
» الصندوق الخيري ياشباب
» خزان الرصيرص علا الله شأن من علاك..
» خزان الرصيرص.. علي الله شأن من علاك
» سوداني يحكي قصة حدثت له في كندا
» انت مملزمني حدي بس تشيل فوقي وتودي
» شهداء النيل من هم دعونا نتذكرهم جميعا
» بدون تعليق
» سيارة اوباما
» توفى صباح اليوم المغفور له بإذن الله الاخ : صديق الحاج صالح